Зьмены адбудуцца з 14 жніўня. Некаторыя віды прадукцыі сусьветна вядомай фірмы немагчыма будзе набыць у беларускіх крамах.
Такое рашэньне прыняў Дзяржстандарт пасьля таго як праверыў некалькі крамаў брэнду.
У дзяржаўнай службе адзначылі, што прадукцыя Adidas не адпавядае нарматывам і рэглямэнтам Мытнага саюзу.
Напрыклад, у аднаго з джэмпэраў, паводле ацэнкі Дзяржстандарту, «недастатковая паветрапранікальнасьць».
Экспэрты вызначылі, што пры норме ня менш за 100 дм³/(м²с) у адзеньня папулярнага брэнду гэты паказьнік склаў толькі 62 дм³/(м²с). Праверка зрабіла прадпісаньне 6 жніўня, а ўжо з 14 жніўня прадавец абавязаны выключыць названае адзеньне з продажу.
Пакуль размова вядзецца толькі пра названыя джэмпэры, а не пра ўсю прадукцыю вядомай маркі.
ГЛЯДЗІЦЕ ТАКСАМА: Зьвесткі аб пакупніках «экстрэмісцкага» брэнду ўпрыгожаньняў Belaruskicry маглі трапіць да трэціх асоб